Latgolys Studentu centrs
Egitys Kancānis stuostu gruomota “Syltuo mola”
Categories: Bez kategorejis

Bīdreiba “Latgolys Studentu centrs” sagatavuojusi Egitys Kancānis tāluojumu gruomotu “Syltuo mola”, kurys sižeta pamatā ir vīns gods mozys meitinis dzeivē Aņdeņu cīmā nu 1989. goda pavasara da 1990. goda pavasaram. Stuosti ir sižetiski saisteiti vīns ar ūtru i pakuopeniski atkluoj bārna pasauli, kurā dzeivuot ir cīši aizraujūši, koč i na vysod vīgli, kur prīku nūmaina skumjis, kur bārnim ļauts vīnkuorši byut i dzeivuot, vērtīs i saprast, raudzeit i uzvarēt, breineitīs i augt. Bārni pīsadola kuozuos i luņģūs, īpasazeist ar guculim, verās, kai lelī taisa olu, rūk buļvus, vuoc sīnu, cap putruomu dasys, spielej kartys i sareikoj cyuku bēris, sataisa plūstu i beistamā ekspedicejā peļd puori Aņdeņu leičam piec vyzbuleitem. Gruomotys redaktore volūdneica Lideja Leikuma kruojuma ceļavuordūs atkluoj,  kai Aņdeņu cīmam rakstureigajā latgalīšu volūdā “sasateik” na tik viņ Vuorkovys, Kolupa, Neicgaļa i Leivuona izlūksnis, a i krīvu, leitavīšu, pūļu, vuocu ciļmis vuordi. Stuostus ilustriejuse muokslineica Ilze Dušele. 

Gruomota sagatavuota, pasasokūt Latgolys regiona atteisteibys agenturys, A/S “Latvejis vaļsts meži” i Vaļsts kulturkapitala fonda pabolstam. 

Pastuosti cytim!

Leidzeigī roksti:

Leave a Reply