8. decembrī 13:00 stuņdēs diskuseja par latgalīšu volūdu

Ituo goda 8. decembrī 13:00 stuņdēs Latvejis Zynuotņu akademejis 3. stuova zalā LU Latvīšu volūdys instituts reikoj zynuotnisku diskuseju “LATGALES LATVIEŠU VALODA LATVIJAS VALODAS POLITIKAS KONTEKSTĀ”.

Pīsadola:

IZM vaļsts volūdys politikys nūdalis vadeituoja Zaiga Sneibe, LU Latvīšu volūdys instituta direktore Dr. habil. philol. Ilga Jansone, Vaļsts volūdys centra direktors Dr. habil. med. Māris Balteņš, Rēzeknis augstškolys asoc. prof. Dr. philol. Ilga Šuplinska, LU profesore Dr. habil. philol. Ina Druvīte, LU profesore Dr. habil. philol. Janina Kurseite, LU asoc. profesore Dr. philol. Lideja Leikuma, LU Latvīšu volūdys instituta vod. pietneica Dr. philol. Anna Stafecka.

Paradzātys i atbiļdis iz vaicuojumu i debatis.

Īpraseiti vysi interesenti!

Aicynoju latgalīšus, LgSC bīdrus i atbaļsteituojus, kam tys ir svareigi, atīt iz itū diskuseju.
Pyrmom kuortom, paruodeit, ka tys ir svareigi pošim latgalīšim, seviški latgalīšu jaunīšim, i ka volūdys politikys vaicuojumā ir svareigs pošys sabīdreibys redzīņs. Tys ir, itūs vaicuojumus navar lemt puors cylvāku voi šaura ļaužu grupa.
Ūtrom kuortom, pīsadaleit sarunā i byut kluot, kod teik runuots par volūdys politiku i juos problemom, latgalīšu volūdys saglobuošonu, aizsardzeibu i atteisteibu.