Diktats latgalīšu rokstu volūdā 2022. Klausīs ite!

Diktats latgalīšu rokstu volūdā 2022. Klausīs ite!

15. oktobrī 18.20 Latvejis Radejis Latgolys studeja, bīdreiba “LgSC” i Latgalīšu kulturys ziņu portals lakuga.lv jau sastū reizi aicynoj raksteit pasauļa diktatu latgalīšu rokstu volūdā. Itūgod diktatā akters Juoņs Krūņs (Jānis Kronis) skaita fragmentu nu Valentina Lukaševiča esejis “Velologeja”.

Diktata teksts sastateits, īvārojūt Vaļsts volūdys centra 2007. godā apstyprynuotūs Latgalīšu raksteibys nūsacejumus, kuri daīmami ITE. Diktatā pīļaunama divskaņa “uo” apzeimuošona ari ar “ō”.

Diktatu raksteit grybātuojim itūgod teik pīduovuota vareiba diktata tekstu raksteit ari tīšsaistē i tū īsnēgt klaidu puorbaudeišonai. Tū varēs izdareit ite: https://ej.uz/LTGdiktats voi zam video.

Pīroksti diktatu, verūtīs video, i piečuok puorbaudi pīraksteitū tekstu ITE.

Svātdiņ, 16. oktobrī, 16.00 diktatu ir vareiba pīraksteit ari Lūznovys muižā, šaļti pyrma sasatikšonys ar tekstilmuokslineicu i literati Anneli Slišāni. Vaira par nūtikšonu ITE.

Diktatu latgalīšu rokstu volūdā organizej bīdreiba “LgSC”, Latgalīšu kulturys ziņu portals lakuga.lv i Latvejis Radejis Latgolys studeja, bet atbolsta Latvejis Radeja i Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu.

Pastuosti cytim!

Leave a Reply

Your email address will not be published.

This site is protected by reCAPTCHA and the Google Privacy Policy and Terms of Service apply.