Bīdreibys “LgSC” dorbi nomināti “Boņuks 2021” bolvai

Paziņuoti 30 Latgalīšu kulturys goda bolvys “Boņuks 2021” nominanti. Tūs vydā ari vairuoki bīdreibys “LgSC” dorbi i projekti.

Nominantu vydā ir gruomota i muzykys albums bārnim “Vuškeņa iz pļovys”, Ilzis Spergys stuostu kruojuma “Dzeiveiba” radejis lasejumi i Latgalīšu kulturys ziņu portals lakuga.lv i latgaliskuos kulturys viests video formatā.

Lels paļdis vysim īsaisteitajim itūs projektu veiksmeigā padareišonā! I eipaši sveicīni Ilzei Spergai ar atsevišku nominaceju kai personeibai! Ilzis dorbs ir ari itūs vysu myusu nominaceju daļa.

Ar vysim nominantim var īsapazeit ITE.

Itūgod bolvys padūšonys ceremoneja nūtiks i ar skateituoju kluotbyušonu 5. martā 18 stuņdēs Latgolys viestnīceibā GORS, i byus vārojama tīšraidē LTV1.