Bīdreiba “LgSC” sajāmuse Aktivūs īdzeivuotuoju fonda atbolstu organizacejis kapacitatis styprynuošonai

Bīdreiba “LgSC” sajāmuse Aktivūs īdzeivuotuoju fonda atbolstu organizacejis kapacitatis styprynuošonai

Ituo gods marta golā Aktivūs īdzeivuotuoju fonda (AIF) padūme publicēja informaceju par pyrmuo Kapacitatis projektu konkursa rezultatim – 269 projektu konkurencē finansiejums daškierts 57 projektu eistynuošonai, kurūs vydā ari bīdreibys “LgSC” projekts “Bīdreibys “LgSC” kapacitatis styprynuošona pylsūniskuos sabīdreibys i īdzeivuotuoju leidzdaleibys veicynuošonai i tūs interešu puorstuoveibai Latgolys regionā” ar mierki tikt par stypruoku organizaceju.

Kapacitatis projektu konkursā atbaļsteitūs 57 projektu eistynuošonai paradzātais finansiejums ir 1 050 969,27 eiro. Bīdreibys “LgSC” projekta atbolsta suma ir 19 994,87 € i tū paradzāts eistynuot nu 2021. goda 1. maja da 2022. goda 30. apreļa. Septeņūs nu atbalsteitūs projektu paradzātys partnereibys ar EEZ/Norvegejis grantu donorvaļstu organizacejom – ari “LgSC” ir tūs vydā. Nu Latgolys regiona atbolstu sajiemušys sešys organizacejis, eipaši sveicīni bīdreibai “Jaunvide” nu Vuorkovys nūvoda, kurys aktiviste i dybynuotuoja ir ari aktiva “LgSC” bīdre Dagneja Dudarjonoka.

AIF atbaļsteituo projekta mierkis ir styprynuot bīdreibys “LgSC” kai patstuoveigys, aktivys, ilgtspiejeigys i sabīdreibā pozitivys puormainis nasūšys organizacejis kapacitati. Tū planavuots padareit ar ostoņom aktivitatem, kuruos paradz kai bīdreibys komandys gora i vadeibys prasmu styprynuošonu, tai zeimyna atjaunuošonu, zīduojumu dasaistis kampaņu, bīdreibys komunikacejis strategejis eistynuošonu, kai ari īsasaisteišonu NVO organizacejuos i pīredzis par dorbu regionā i volūdu situaceju dabuošonu nu Norvegejis sadarbeibys partnerim.

Projekta veiksmeiga eistynuošona ļaus bīdreibai “LgSC” tikt par stypruoku i nu dažaidu projektu finansiejumu naatkareiguoku organizaceju, taidā veidā iz prīšku varēs aktivuok puorstuovēt i īsasaiteit aktivitatēs kai regiona ļauds, tai ari latgaliskuos kulturys interesentus cytuos vītuos, lobuok sasnādzūt organizacejis darbeibys izvierzeitūs mierķus.

Vaira par apstyprynuotū projektu var izzynuot ite: https://lgsc.lv/aktivus-idzeivuotuoju-fonds/. Tīpat projekta sadaļā varēs iz prīšku sekuot leidza ari projekta eistynuošonys aktivitatem. Papyldu informacejai i vaicuojumim: projekta vadeituoja Edeite Husare edeite@lgsc.lv.

Pastuosti cytim!

Leave a Reply

Your email address will not be published. Required fields are marked *