Aicynoj pīsadaleit Latgolys kulturviesturei veļteitā jaunīšu seminarā „Atzolys”
Da ituo goda 30. juņa bīdreiba „Latgolys Studentu centrs” (LgSC) aicynoj jaunīšus vacumā nu 15 da 19 godu pīsasaceit daleibai Latgolys kulturviesturei veļteitā seminarā „Atzolys” (atlases, jaunī dzynumi), kas nu 2. da 6. augusta nūtiks Preiļūs. Seminars „Atzolys” nūtiks jau sastū godu piec kuortys, juo laikā jaunīšim nu vysys Latvejis byus vareiba izzynuot vaira par Latgolys kulturviesturi i šudiņdīnu, latgalīšu volūdu, literaturu i folkloru.
Jaunīšu seminars „Atzolys” nūteik nu 2004. goda, itūs godu laikā jimā ir pīsadalejuši vairuoki symti jaunīšu nu Latvejis i cytu vaļstu, tymā skaitā vairuoku itūšaļt popularu latgalīšu muzykys grupu daleibnīki, jaunī autori i sabīdriski aktivi jaunīši, kas taišni „Atzoluos” ir īgivuši pamudynuojumu vāluokajai rodūšajai darbeibai i daleibai navaļstiskajuos organizacejuos. Lela daļa nu atzolīšu ari iz prīšku ir saglobuojuši interesi par latgaliskū i saitis ar Latgolu. Ituo goda „Atzolys” organizej bejušī atzolīši.
Seminara aizdavums ir īpazeistynuot jaunīšus ar Latgolys nūvoda viesturi i kulturu, paleidzēt apsazynuot jūs sovpateibys, īsavuiceit byut lapnam par sovom saknem i pīdereibu, taidā veidā veicynojūt jaunuos paaudzis interesi par Latgolu i latgaliskū, par nūvoda paguotni, šudiņdīnu i atteisteibu iz prīšku
Seminara laikā teik organizeitys vuiceibu lekcejis par vysaidom ar Latgolys kulturviesturiskū mantuojumu, šudiņdīnu i nuokūtni saisteitom temom, teik taiseitys interešu grupys i diskusejis, nūteik puorguojīni i ekskurseja, teatralī i muzykalī vokori, teik apgiutys latgalīšu dzīsmis, tradicionalī daņči i latgalīšu rokstu volūda.
Seminara dorba volūdys ir latgalīšu i latvīšu. Latgaliski nūteik lekcejis, praktiskuos nūdarbeibys i izklaidis pasuokumi.
Seminara laikā teik organizeitys vuiceibu lekcejis par vysaidom ar Latgolys kulturviesturiskū mantuojumu, šudiņdīnu i nuokūtni saisteitom temom, teik taiseitys interešu grupys i diskusejis, nūteik puorguojīni i ekskurseja, teatralī i muzykalī vokori, teik apgiutys latgalīšu dzīsmis, tradicionalī daņči i latgalīšu rokstu volūda.
Seminara dorba volūdys ir latgalīšu i latvīšu. Latgaliski nūteik lekcejis, praktiskuos nūdarbeibys i izklaidis pasuokumi.
Seminaru organizej bīdreiba „Latgolys Studentu centrs”, tai pyldūt sovu aizdavumu – veicynuot jaunīšu īsasaistiešonu Latgolys nūvoda kulturvidis, ekonomiskuos i socialuos vidis atteisteibā, koordinēt ar tū saisteitūs projektu izstruodi i realiziešonu. Bīdreiba sadarbeibā cytom navaļstiskajom organizacejom, vaļsts īstuodem i pošvaļdeibom ir organiziejuse muzykys festivalus „Muzykys Skrytuļs”, „Taiseits Latgolā”, školuotuoju vosorys kursus „Vosoruošona”, zīmys omotu školu jaunīšim i latgalīšu rokstu volūdys kursus, izdavuse dzejis antologeju „Susātivs” i c. Bīdreibys 2009. goda darbeibys programu atbolsta Islande, Lihtenšteina i Norvegeja EEZ finanšu instrumenta i Norvegejis finanšu instrumenta ītvorūs i Latvejis vaļsts ar Sabīdreibys integracejis fonda storpnīceibu. Bīdreibai ir sabīdriskuo lobuma organizacejis statuss, kas dūd vareibu zīduotuojim sajimt ari nūdūkļu atlaidis.
Seminara „Atzolys” nūtikšonu atbolsta Vaļsts Kulturkapitala fonds.
Seminara „Atzolys” nūtikšonu atbolsta Vaļsts Kulturkapitala fonds.
Kab pīsadaleitu seminarā, jaunīšiem da 30. juņa (posta zeimūgs) juonūsyuta CV i motivacejis viestule pa postu: bīdreiba „Latgolys Studentu centrs”, Antonejis īla 8-3/6, Reiga voi pa e-postu: linda_orole i yahoo.com.
Seminara daleibys moksa, kurā ir īkļauta gultysvīta i baruošona, ir Ls 15, moznūdrūšynuotim jaunīšim – Ls 10. Par ceļu da Preiļu juomoksoj pošim daleibnīkim.
Vaira informacejis par seminara gaitu juo daleibnīkim tiks nūsyuteita piec pīsacejumu apkūpuošonys juļa suokuos.
Seminara daleibys moksa, kurā ir īkļauta gultysvīta i baruošona, ir Ls 15, moznūdrūšynuotim jaunīšim – Ls 10. Par ceļu da Preiļu juomoksoj pošim daleibnīkim.
Vaira informacejis par seminara gaitu juo daleibnīkim tiks nūsyuteita piec pīsacejumu apkūpuošonys juļa suokuos.
.
Vaira informacejis par semināru „Atzolys”:
Linda Orole,
bīdreibys „Latgolys Studentu centrs” vaļdis lūcekle
Mob. t. 26389380, e-posts linda_orole i yahoo.com
LgSC sātyslopa: http://www.lakuga.lv/lg/lgsc
LgSC dīnroksts:
Linda Orole,
bīdreibys „Latgolys Studentu centrs” vaļdis lūcekle
Mob. t. 26389380, e-posts linda_orole i yahoo.com
LgSC sātyslopa: http://www.lakuga.lv/lg/lgsc
LgSC dīnroksts:
.
Informaceja latgaliski Lakugā – lakuga.lv
Informaceja latvyski Dīnā – diena.lv