Apstiprynuots projekts LgSC darbeibys stiprinuošonai
Vaļsts kulturkapitala fonda projektu konkursā ir apstiprynuots „Latgolys Studentu centra” īsnīgtais projekts „Latgaliskuos kulturys veicynuotuojis – bīdreibys “Latgolys Studentu centrs” – atbolsts” 1000 LVL apmārā. Finansiejums tika īgiuts VAS “Latvejis Vaļsts meži” finansātajā mierķprogramā „Profesionalu navaļdeibys kulturys organizaceju atbolsts”. Projekts tiks realizāts nu ituo goda marta leidz decembrim.
Īcarātuo projekta mierkis ir snīgt atbolstu LgSC darbeibai, sadzūt daļu nu projektu vadeibys i administrativom izmoksom, tai nūdrūšynojūt inovativys, aktualys kulturys atteisteibu Latvejā i Latgolys regionā, kai ari tuos populariziešonu publiskajā telpā.
Īgiutais finansiejums veicynuos ituo goda laikā īcarātū pasuokumu i projektu realiziešonu, tiks reikuoti vairuoki pasuokumi – gon taidi, kas īgivuši jau tradiceju raksturu, kai, pīmāram, latgalīšu literaturys nakts „Tievanānu pavasars” Viļānūs, gon jauni pasuokumi, pi kuru organiziešonys šūbreid struodoj LgSC bīdri i interesenti. Kai viestej tautys paruna – dorbs dora dareituoju!
LgSC