Aizvadeitys naformaluos izgleiteibys apvuiceibys „Latgolys bārni II”

Nu 12. leidz 16. augustam Drycanu vydškolā nūtyka bīdreibys „Latgolys Studentu centrs” reikuotuos naformaluos izgleiteibys apvuiceibys „Latgolys bārni II”, kas tyka taiseitys sadarbeibā ar bīdreibu „Kukuži”. Kai radzams, itī jau ir ūtrī „Latgolys bārni” i tūreiz tēma beja par uzjiemiejdarbeibu Latgolā.  Kūpā pīsadalāja 12 jaunīši nu Rēzeknis nūvoda i piļsātys. Gostūs bejom Biznesa inkubatorā „Ideju viesnīca” Rēzeknī i Mežvidu tomatu audzeitovā SIA „Latgales dārzeņu loģistika”. Piec Biznesa inkubatora apmekliejuma Rēzeknī, skots par sova biznesa uzsuokšonu  lykuos daudz vīgļuok sasnīdzams. Tok pi pošu gostūs atbrauca Saeimys deputats Juris Viļums, „Latgolys Studentu centra” vadeituoja Dagnija Bramane i bīdreibys „Pūga” draugi nu Kuorsovys.

Naformaluos apvuiceibys „Latgolys bārni II” beidzās ar daleibnīku atziņu, ka uzjiemiejdarbeiba patīseibā ir inceresnuoka kai teik dūmuots tautā. Nūslāgumā jaunīši veiduoja sovus uzjāmumus. Nivīna nu idejam nabeja naīspiejama, tān tik juocer, ka nuokūtnī sasaskarsim ar jūs realizeituom idejom dzeivī i Latgolā.

Paļdis sokom Rēzeknis nūvoda pošvaļdeibai, Drycanu vydškolai kai ari Drycanu pogosta puorvaldei i apvuiceibu vadeituojam Oskaram Orlovam.

Pastuosti cytim!

Atbildēt

Jūsu e-pasta adrese netiks publicēta. Obligātie lauki ir atzīmēti kā *