Rss Feed Tweeter button Facebook button Youtube button
Latgolys Studentu centrs
Aizvadeits LaLaDra Ārdavā
Categories: LgSC pasuokumi

23. novembrī, Ārdovys saītu kuormā, sadarbeibā ar LgSC tyka aizvadeits literari muzykalais pasuokums „Latgalīts latgalīšam draugs” ci „LaLaDra”.

Kai jau vysod šymūs pasuokumūs dalinīku vydā beja aicynuoti latgalīšu literati i muzykanti, vysu vaira tī, kuri dzeivoj Preiļu, Daugavpiļs apleicīnī. Lai gon LaLaDra parosti ir cīši pozitivs i ar humora dasitīni, itūreiz tys tika izveiduots mīreiguos i puordūmu nūskaņuos, pīmynūt „Maxima tragedejā” cītušūs. Pasuokums beja kai  aicynojums vysim apleicejajim apsazynuot patīsūos vierteibys, cylvāka dzeiveibys trauslumu.

Pasuokumā ar sovom dzīsmem i muzyku  pīsadaleja Ārdovys folklorys ansamblis „Noktirnes”, dzīsmineica Džeina Gavare, Romāns Sladzis i Tatjana Nizjulko nu grupys „Ze Pikniks”, Agnese Timofejeva nu folklorys kūpys „DYRBYNI”.  Sirds vuordus dzejā izsaceja Rita Cvetkova, Anita Urča, Rasma Zariņa, Dagneja Bramane.  Klauseitīs prīkšnasumus i byut tymā vysā vydā beja atbraukuši gosti nu Aizkalnis, Pelieču i Preiļu. Apmaklātuojim beja īspieja pīsadaleit konkursūs i dabuot gruomotys nu LgSC i Ārdavys biblotekys, kai ari īspieja īsaguoduot suvenirus, muzykys diskus i gruomotys latgaliski i par Latgolu.

LgSC „LaLaDra” taisa jau 5 godus dažaiduos Latvejis vītuos. Pavysam dreiži (26.novembrī) LaLaDra byus Reigā i 13.decembrī – Daugavpilī. Aicynuoti pīsadaleit muzykanti i literati, i gaidom ari klauseituojus! Vaira informacejis byus LgSC lopā i lakuga.lv

Dagneja

Pastuosti cytim!

Leidzeigī roksti:

Leave a Reply