Atskots iz fotokonkursa nūslāguma pasuokumu

2010. goda 30. septembra saulainajā piecpušdinī trejos stundēs vysi interesanti tika aicynuoti iz fotokonkursa „Eiropa Latgalē: lobs loba namaitoj” nūslāguma pasuokumu, kuramuo laikā nūtyka fotografeju izstuodis atkluošona, konkursa dorbu autoru apbalvuošona, tikšonuos ar profesionalim fotografim.

Konkursa nūslāguma pasuokums nūtyka Rēzeknē Atbreivuošonys alejā 95 Rēzeknis nūvoda pošvaļdeibys siežu zalā. Pasuokums suocēs ar fotokonkursa organizātuoju i atbaļsteituoju uzrunom. Tod suocēs seminars – lekceja ar dobys fotografu Andri Egleiti par temu „Dabas fotogrāfija”. Jis daliejouos sovā fotografiešonys pīredzī, snīdze vierteigu informaceju par tū, kur, kai i kū lobuok fotografeit.

Kopejis pauzis laikā, vysi apmaklātuoji varieja na tikai nūbaudeit kopeju i peirādzeņus, bet ari vīnlaiceigi apsaviert izstuodis dorbus.
Turpynuojumā sakuoja fotografa Juoņa Medņa lekceja „Kas veido labu fotogrāfiju? Mani labākie darbi.” Juoņs Mednis stuostie, kū Jis vysa vaira fotografejai, kas juosaver fotografejūt, lai fotografejai byutu sovs stuosts. Juosoka, ka izstuodis apmaklātuoji beja cīši īinteresāti i atsauceigi, par tū, ka izskanieja daudz vysaidu vaicojumu, uz kurim tod obi fotografi ari pruoveja atsaceit.
Nūslāgumā, prūtams, nūtyka konkursa dalinīku apbalvuošona. Fotografeju konkursa īsyuteitū dorbu vierteišonā pīsadalieja 3 profesionali fotografi: dobys fotografs Andris Egleits, JuoņsMednis i inovatīvais fotografs Juoņs Litavnīks.

.
Apkūpojūt fotografu viertejumu (saskaitūt īgiutūs punktus) tyka nūskaidruots, ka 1.vītys īgiviejs ir Jurs Viļums. Fotografeja nūjimta Kruoslovā pi ķeramiķa Valda Pauliņa, keramikys cepļa kurynuošona. 2.vītys īgiviejs ir Māris Skrivļa-Čevers ar fotografeju, kuramā attāluota latgalu kūklis spieleišonys tradiceja, kurai kluot ir guojuš spieluotuojys kruosuotī nogi. 3.vītys īgivieja ir Santa Čingule-Vinogradova. Jai izadevēs nūfotografeit apsormovušu margrītenu, kas speiteigi turpynoj nūturēt zīdu. Taipoš kai latgalīts par speiti dzeivis gryušumam sirdī ir skaists i kruošns.
Taipoš vysi fotokonkursa dalinīki varēja pretendeit ari iz simpateju bolvu īgyušonu. Rēzeknis nūvoda pošvaļdeibys simpatejis bolvu īgivi fotokonkursa dalinīcis Anita Jastrežemska i Lana Roga. Rēzeknis Augstškolys simpatejis bolvu īgiva dalinīks Egīls ar rodūšū pseidonimu- egalogs.

.
Spylgtuokī konkursa dorbi tyka izvirzeiti publiciešonai bukletā „Eiropa Latgalē: lobs loba namaitoj”, kas atspūguļoj tū, ar kū Latgola ir unikāla Eiropā. Kotrs fotokonkursa dalinīks i vīss sajēma ari bukletu.

.
Fotokonkurss „Eiropa Latgalē: lobs loba namaitoj” tyka izsludynuots ituo goda augustā, aicynuojūt saskateit Latgolā, Latgolys cylvāku dzeivī, volūdā, tradīcejuos, muojā i saimī, ticeibā, dorbūs, svātkūs i nūtykumūs taidys Eiropys vierteibys kai, pīmāram, demokrateja, cylvāktīseibys, religejis i apzinis breiveiba, kultūru īciteiba, breivais tiergs, solidaritāte, lobkluojeiba i socialuo aizsardzeiba. Kūpā fotokonkursā pīsadalejuos 28 fotografi amatīri, ar 71 fotografeju. Dalinīku uzjimtajuos fotografejos ir īspieja pasvērtīs iz Latgolu Eiropā i Eiropu Latgolā nu dažaidim skotu punktim.

.
Fotokonkursu reikova EK „Europe Direct” informacejys centrs Rēzeknī sadarbeibā ar Latvejys Tierznīceibys i ryupnīceibys kameru i bīdreibu „Latgolys Studentu centrs”. Nūslāguma pasuokumu atbaļstieja Rēzeknis nūvoda pošvaļdeiba, Rēzeknis Augstškola, uzņāmums „Alba”, „Kodak Ekspres”.

Vysys īsyuteituos fotografejis var apsaviert ite: http://foto.inbox.lv/lgsc-rezekne/Fotokonkursa-Eiropa-Latgale-fotografejis

Fotografejis nu atkluošonys pasuokuma – http://studija.ru.lv/categories.php?cat_id=271

LgSC Rēzeknis biroja aktīviste Solvita Kļavinska

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.