Rss Feed Tweeter button Facebook button Youtube button
Latgolys Studentu centrs
Ailis pi Raiņa piparmātru nūskaņuos

Par gūdu Dzejis dīnom pīduovojom ari paskaiteit Latgolys jaunīšu veikumu. Aiļu radeišonys apstuokli skorbi i ekstremi – 5 minūšu gataveiba, suokumburti, tymsa i lelais Dzejnīks verās puor placu. Bet jī tū paveice! Tys vyss vokora stygys “Atzolīšim pa pādom ci piparmātru čaja kauss” izceinis aizdavumā.

Saule apspeid munu golvu

Un nūrīt.

Saule vaira naapspeid munu golvu.

Āāāāāāāā

Tys zvārs, kurs izslēdze gaismu,

Itai taupa elektreibu.

Vīnu vatu sataupej laikam.

Syvāns taids, maņ tymss.

********************************************************

Uobeļu kalorejis

Organismu sprydzynoj.

Beztolkā

Eisys repa ryndys

Līcās i rokstojās

Impresionisma taktīs.

.

*********************************************************

Šudiņ aizguoju piec pīna

Ūtardīne loba dīna, nedeļā jei ir tik vīna

Loba gūvs dūd lobu pīnu

Apāduse gorda sīna

I aiz seve pamat mīnys

Kuop, kur gribi, nakuop vydā

(vydā mīnā sīns ar pīnu,

vīnai gūvei vīna mīna)

*******************************************************

Sasatyku es ar Īvu i

Atsasytom mes pret sīnu,

Sadūmuojom īdzert pīnu.

Tai mes dzērem i tykom iz sābra bērem.

Dzeivei guojums beja dižs –

Īvālāts jis  saeimā beja.

Niu nūlykom mes pučis jam i

Eimam iz sātu.

*******************************************************

Tī, kur

Īlom spylgtuokuos laternys,

Naej tī!!!

Eimi tī, kur

Izaver vystymsuok.

Tymsā

Īeimūt, verīs speideigom acim! 🙂

**************************************************************

Otkon odotas rūkā jemam

Dīgu vēļ – i odam

Otkon runojam latgaļu mēlē

Tys myusu adejums i myusu lūluojums

Atguodoj rokstu! I runoj!

.

**********************************************************

Myusu sātā šmukuokī musturi

Ustobys koktā pīkuortim aizkorim

Saguoja tautenis

Taiseja debatis

Ustobys koktā pi aizkoru musturim

Reigys piļsātys liktini lēme

Saguoja myusejim šmukuokī musturi

Pastuosti cytim!

Leidzeigī roksti:

1 Comment to “Ailis pi Raiņa piparmātru nūskaņuos”

  1. ammarita saka:

    Nu breineigi! Myužeigs skaistums!

Leave a Reply to ammarita