Aicynojam paleidzēt seminaru cykla SPĀKA LAB satura plānuošonā
Latgalīšu kulturys kusteiba “Volūda” i bīdreiba “New East” ar Latvejis Nacionaluo kulturys centra i Kulturys ministrejis atbolstu ituo gods suokumā aicynuoja iz divim seminarim cyklā “SPĀKA LAB”. Niu gatavejam jaunus seminarus, bet, kab tī īsadūtu lobuoki, aicynojam pasadaleit ar redzīni par vālamū saturu!
Pyrmī diveji “SPĀKA LAB” seminari, kas nūtyka Kuorsovā i Daugovpilī, beja veļteiti komunikacejis i nūvodpietnīceibys prasmu styprynuošonys temom. Vaira par seminarim var izzynuot ITE. Niu, rudinī, ar Kulturys ministrejis, Latvejis Nacionaluo kulturys centra i Sabīdreibys integracejis fonda atbolstu aicynuosim iz jaunim “SPĀKA LAB” pasuokumim, bet, kab tī īsadūtu lobuoki i dalinīku pīredzi styprynūšuoki, prīcuosimīs par seminaru mierkauditorejis i potencialūs dalinīku redzīni.
Mierkauditoreja: bīdreibys, nūdybynuojumi, kulturys īstuodis, pošvaļdeibys īstuodis, muzeji i cyta veida organizacejis, kas jau struodoj i dorbojās voi iz prīšku grybātu dareit, koč kū reikuot saisteibā ar latgalīšu kulturys i volūdys nūtikšonom, procesim, aktivitatem. Geografiskajai pīdareibai ite nav nūzeimis (atguodojam, ka par Latgolu i latgaliskū var interesētīs nu sevkurys vītys pasaulī!).
Anketā dabuotuos atbiļdis tiks izmontuotys viņ “SPĀKA LAB” nūtikšonys organiziešonys vajadzeibom. Atbiļdis gaideisim da 24. septembra. Taipat aicynojam anketā pamest sovus kontaktus, ka gribēsit sajimt aicynuojumu iz pasuokumu. Lels, lels paļdis!
