Saruna par latgalīšu organizaceju sadarbeibu raidejumā “Latgolys stuņde”
Voi i kaida ir latgalīšu sabīdryskūs organizaceju sadarbeiba sovā vydā, cik aktivys ir latgalīšu bīdreibys i kai tuos var ītekmēt procesus vaļstī – taida beja Latvejis Radejis Latgolys studejis LR1 Latgolys apraidē taiseituo raidejuma “Latgolys stuņde” tema 24. martā. Raidejumā ar sovu redzīni pīsadaleja ar latgalīšu kulturys kusteibys “Volūda” (bīdreibys “LgSC”) vadeituoja Edeite Husare.
Raidejuma dasacejumā saceits, ka 24. martā bīdreiba “Latgolys Saeima” Reigā, Latvejis Republikys Saeimys ākā, reikuoja sovu kūpsapuļci, ari cytom latgalīšu bīdreibom itymā laikā nūteik goda kūpsapuļcis, deļ tam itūreiz raidejumā rauga skaidruot, cik aktivys itūšaļt ir latgalīšu organizacejis, kai juos sasadorboj sovā vydā, voi i kai var/navar ītekmēt politiskūs procesus Latgolā i vaļstī kūpumā.
Sarunā pīsadaleja Guntis Rasims nu bīdreibys “Latgolys Saeima”, Ilga Šuplinska nu Latgalīšu kulturys bīdreibys, Edeite Husare nu latgalīšu kulturys kusteibys “Volūda”, Daiņs Mjartāns nu Latgolys Tradicionaluos kulturys centra “Latgaļu Sāta” i Ilona Rupaine nu bīdreibys “ESTO”.
Raidejumu var nūsaklauseit ite:
Latgalīšu organizaceju sadarbeibys vaicuojumi ir vīna nu latgalīšu kulturys kusteibys “Volūda” (bīdreibys “LgSC”) projekta “Latgaliskuos kulturvidis styprynuošona: sadarbeiba, izpratne i īsaiste” aktivitašu, kuru 2023. i 2024. godā atbolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu.
