Jelgovys biroja 2 godu svineibys

Kai jau kotram bārnam, ari Jelgovys birojam pateik dzimšonys dīnys svineibys. Itūgod  mes jau  leluoki – myusim jau 2 gadeni , deļ tuo ari baļļuku nuocuos taiseit kai pīsanouk – draugu kompanejā ar peiruogim, balonim, spieļom i vysim puorejim lobumim.

Itūgod sovus svātkus atziemiejam 10.oktobrī, LLU Studentu klubā. Iz svineibom tika īlyugti vysi draugi, draugu draugi i puorejī interesanti. Tyka īvāruots ari nūteiktais dresscode – divgadeigs bārns. Kai jau vysuos dzimšonys dīnuos, ari itymā bejom pasariupejušs ari par soldumim, fotostūreiti, dančim, jautru muzyku i spieļom kai, pīmāram, latgalīšu aliass, uzzeimoj vuordu, dejas iz gazetys i cytys.

Ēdem, dzērem, prīcuojomīs da reita gaismys. Jautreibys i pozitivu emociju natryuka. Prīks, ka svātkus apmeklēja na tikai bīdri i aktivisto, bet ari ar Latgolu nasaisteiti cylvāki, kuri vokora gaitā sajuta tū īpatnejū latgaliskū atmosferu i sasajuta kai sovejī. Juocer, ka piec „latgalīšu aliasa”   i dažim mielis mežgim  kaids nalatgalīts atguoduos, kas ir sipisnīks, lizeika voi krepecss.  🙂 Latgalīšim tymā vokorā izadeve atdzeivynuot Studentu kluba soltuos telpys.

Tai vot i mes dzeivojam! Sasateikam pavysam dreiži LgSC jubilejā Jelgovā i tod jau leidz 3. gadeņam!

Valērijs,

Jelgovys biroja vadeituojs