Jelgovys svātki i LgSC
Nu 30. maija leidz 1. juņam Jelgovā nūtyka piļsātys svātki, kurūs varieja jimt daleibu sevkurs interesents – jelgovnīks ci gosts nu tyvuokys voi tuoluokys vītys.
Jelgovnīku puorsteidzūšā ospruoteiba beja vārojama piļsātys svātku guojīnā, kurā devēs Jelgovys uzjāmumu i firmu, kolektivu i īstuožu puorstuovji. Leidz ar tū ari bīdreibys „Latgolys studentu centrs” Jelgovys biroja jaunīši nasiedieja molā i ari pīsadalieja guojīnā, īzaryndojūt zam Latvejis Lauksaimnīceibys universitatis karūga. Jaunīšus prīcieja atsauceigī Jelgovys īdzeivuotuoji ar atbolsta saucīnim. Tok vysus guojīna daleibnīkus prīcieja īlys molā spieļuojūšīs orkestris.
Nasaskotūt iz natik saulainim laikapstuoklim, piļsātys svātki Jelgovā beja gūdam izadavuši.
Terēze Stanka
