Sābrūs iz LU Sātu
Itūnakt starptautiskuo muzeju nakts ar tematiku – sābri (kaimini, susedi ci kai cytaiž kotram teik). Nu 18-23 pi sevs gostūs tūpūšūs studentus i vysus cytus interesentus aicynoj ari Latvejis Universitate, kurys golvanajā sātā Raiņa bulv. 19, Reigā nūtyks pasuocīņs “LU Sāta” ar dažaidom Latvejis Universitatis fakultašu, organizaceju i cytu sābru aktivitatem, kurūs vydā pīsadaleis ari Latgolys Studentu centrs saimnīkojūt pyunē. Latgalīšu kaitu variacejis, viktorina, volūdys darbneica i golu golā aicynuojums iz čaju – tū vysu šudiņ, 14. majā, meklej LU golvanajā sātā koridorā pi Mozuos Aulys.
