Agrais pavasars

Koč aiz lūga pavasars jau pylnā plaukumā, vys tik 30. aprelī piec Leluos Tolkys i loba dorba 15:00 Reigā Latvejis Nacionalajā bibliotekā (Barona ūļneicā 14) esi aicynuots iz “Agrū pavasari” – latgalīšu literaturys i muzykys piecpušdīni cyklā “Cyti godalaiki”.

Itūreiz ar sovim dorbim klauseituojus prīcynuos rakstneica Laima Muktupāvela, ailinīks Juoņs Ryučāns i publiciste Ilze Sperga, bet muzikali biblioteku pīskandynuos grupa “D-Light” i Anss Ataols Bierzeņš. Pasuocīni vadeis – Aigars Runčis.

Nu “Agrais pavasars” byus eipašs na viņ ar autoru skaitejumim i muzykalajim prīškanasumim, bet ari ar bīdreibys “Latgolys Studentu centrs” gruomotys, kas izdūta ar Vaļsts Kulturkapitala fonda atbolstu, “Es soku. Tu soki. Puorsokys par krīzi” seņ i ilgi gaideitū prīškā stateišonu.

Pi reizis pasuocīņa apmaklātuojim byus vareiba iz leluoka ekrana apsavērt Anša Ataola Bierzeņa jaunuokū video klipu dzīsmei “Babeņa” i dazynuot vaira par klipu nu poša Anša.

Pasuocīni atbolsta Reigys Dūmis Izgleiteibys, kulturys i sporta departaments, Latvejis Nacionaluo biblioteka, informativī draugi – portals draugiem.lv i Latgalīšu kulturys gazeta lakuga.lv

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

.

Grupa “D-Light” “Iudiņs dzīsme”

 

Anss Ataols Bierzeņš “Babeņa”