Adventa laiks kotrā sātā

Parosti jau soka, ka Gaideišonys laiks ir vaira puordūmu i guodu laiks, bet grybātūs saceit, ka ari laika atrasšonys laiks – itymā mienesī storp vysim speigulim, egleitem i duovonom raugam atrast vaira laika na viņ sovom dūmom, bet ari sirsneigom sasatikšonom, deļ tuo Latgolys Studentu centrs atrūn i aicynoj atrast ari cytus kaidu breisneiņu nūstuošonai i sasatikšonai:

8. decembrī 18:30 Reigā, Tonis birojā  Zīmyssvātku gaideišonys laikam veļteits vokors. Par tū, kas ir Advents, kai Zīmyssvātki teik svieteiti i gaideiti, par tradicejom, naparostū i svātkim – par i ar tū vysu lobpruot pasadaleitu trešdīnis vokorā!

Gostūs byus Reigys Gareiguo seminara, ar kuru izaveiduojuse loba sadarbeiba itūs godu laikā, puorstuovi, kas vaira rozstuosteis par ituo laika nūzeimi i rašonuos viesturi. Vokora gaitā sarunys, diskusejis par Advenu i Zīmyssvātkim, latgalīšu Zīmyssvātku puorsoku skaitiejumi i koč kas skaneiguoks gitarys pavadiejumā.

Kaids ir Gaideišonys laiks i Zīmyssvātki Tovā sātā?

Bīdreibys 2008.- 2011. goda darbeibys programu atbolsta Islande, Lihtenšteina i Norvegeja EEZ finanšu instrumenta i Norvegejis finanšu instrumenta ītvorūs, i Latvejis vaļsts ar Sabīdreibys integracejis fonda storpnīceibu.