Latgalīša pādi pasaulī

Kotrs mes vaira ci mozuok asam pasauļa pluovi. Vysmoz vīna taida pluova stuostus Tev byus vareiba pasaklauseit 3. junī nu 18:30 Reigā, LgSC Tonis birojā! Jiusu viereiba, dāmys i kungi, Guntis Šmaukstelis ci vīnkuorši Šmikucs! Jis rozstuosteis par sovom gaitom i dzeivi treis mienešu garumā Kazahstanā, kur jis kai breivpruoteigais vuiceja angļu volūdu. Bet Kazahstana ir bejs tik vīns pīturys punkts juo dzeivē – vysaidu cytu na mozuok iņteresantu jam ir bejs gona! Ari karš Gruzejā Šmikučam nav nazynoma paruodeiba! 😉 Ka ari Tevi iņteresej svešys zemis, breivpuoteigūs dorbs ci vīnkuorši pīdzeivuojumi – par tū vysu tod „Latgalīša pādi pasaulī” stuostu vokorā! 😉

Varbyut Tu ari esi atstuojs sovus latgaliskūs pādus kaidā pasauļa molā tuoli nu sātys durovu? Atej i pasadoli! Byusim prīceigi pasaklauseit i natīši apceļuot tuos svešuos molys!

Pyrma tam par Gunti informaceju var īvuokt juo sātys lopā

Kai ari ite vīns sviežns roksts nu „Latvejis Avīzis” orūdim

Tai kai “Latgolys Studentu centra” bīdri puorsvorā ir aktivi jaunīši, kas regulari īsasaista dažaidūs interesantūs pīdzeivuojumūs, dūdas ekspedicejuos i apceļoj na viņ Eiropu, bet ari tuoluokys i na mozuok interesantys pasauļa molys – Sibireju, Āzejis valstis, planavuots, ka stuostu vokors “Latgalīšu pādi pasaulī” klius par ciklistu tradiceju i īpazeistynuos interesentus na viņ ar Kazahstanys kulturys sovpateibu, bet ari daudzom cytom pasauļa valstim, kur davušīs aktivī latgalīši.

Zynuošonai: Tonis biroja adress ite

Bīdreibys 2008.- 2011. goda darbeibys programu atbolsta Islande, Lihtenšteina i Norvegeja EEZ finanšu instrumenta i Norvegejis finanšu instrumenta ītvorūs, i Latvejis vaļsts ar Sabīdreibys integracejis fonda storpnīceibu.