Atbolsti NVO! Kampaņa #ReāliBagāts
Augusta golā vairuokys navaļstiskuos organizacejis reikuoja hakatonu, kurā sasatyka, kab struoduotu pi idejom organizaceju sadarbeibai, lobuokam tālam sabīdreibā i nūtureibys pret dezinformaceju. Kūpā ar Latvejis Platformu atteisteibys sadarbeibai LAPAS i Pasauļa Dobys Fondu asam palaiduši informativū kampaņu #ReāliBagāts, aicynojūt atbaļsteit NVO.
Kampanis mierkis ir dagrīzt sabīdreibys viereibu NVO dorbam, boguoteibom, kū tys dūd kotram sabīdreibys lūcekļam, kam ari dezinformacejai i muoņu informacejai, ar kuru navaļstiskuos organizacejis dasadur. Vaira par kampaņu ITE.
Ka i tev ruodīs svareigi, kū dora latgalīšu kulturys kusteiba “Volūda” (bīdreiba “LgSC”), aicynojam myus atbaļsteit kaidā nu veidu:
- sekuot leidza aktivitatem socialajūs teiklūs ITE;
- īsasaisteit bīdreibys pasuokumūs i akcejuos;
- aicynojūt bīdreibu iz pasuokumim, nūdarbeibom i cytom nūtikšonom;
- īsasaisteit organizacejis dorbā kai bīdram, anketu var atrast ITE;
- atbaļsteit finansiali, pazīdojūt bīdreibys dorbam ITE;
- atbaļsteit, nūpierkūt bīdreibys sagataveitūs izdavumus ITE.
Kampaņa nūteik digitaluo aktivisma akseleratora programys projektā, kurū atbolsta TechSoup Global teiklys, Hive Mind globaluo vuiceišonuos platforma, Baļtejis Medeju izcileibys centrys i Google.
