Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Jaunumi nu Daugovpiļs
Categories: info LgSC

Sveicīns vysim LgSC bīdrim i draugim nu Daugovpiļs. Par itū laika ir nūtykuš daudzi vysaiduoku puormaiņu – myus ir jaunys telpys, jauni interesenti, planā jauni pasuokumi.

Pavasarī puorsavuocem iz jaunom telpom Reigys ūļneicā 48-3 (saīt pretim pazeistamajai kopejneicai „Vēsma”). Pa itū laiku jaunajuos telpuos asam sataisiejuši remontu, jaunu pasuokumu planu i vysi kūpā asam izdūmuojuši ari biroja telpom nūsaukumu. Atbylstūši atsarasšonys vītai i misejai tyka izvālāts nūsaukums „Štabiks” – vīta deļ sovejūs, kur saīt kūpā i puorrunuot svareigys dzelys, dariet koč kaidus (na)dorbus.

Myusu bareņā kluot ir daguojuši ari jauni cylvāki – Laura Macāne, Madara Ozoliņa i LgSC uzticeiga ir palykusi ari Gunta Nagle. Dažim nu myusu draugim beja izlaidumi, prīca, par jūs sajimtajim diplomim!

Leidzi ar jaunim draugim, myus ir ari sataseits jauns pasuokumu plans, itūreiz grybam vaira pasuokumus deļ sevim – sasatikšonys sova prīka piec, piknikus, volejbola spieleišonys vokorus. Tyvuokī pasuokumi julī deļ vysu interesentu ir nūdarbeibys par komunikacejis spiejom i „Latgalīšu pādi pasaulī”, kur Zaiga stuosteis par pīdzeivuotū Italejā. 23. augustā sadarbeibā ar Raiņa muzeju „Jasmuiža” teik planavuota tolka apleicīnis sakuortuošonai, piec tam bals ar latgalīšu muzyku. Par kotru gaidomū pasuokumu byus ari precyzuoka viests ite.

Myusim veļ ir lela prīca paviesteit, ka myusim sābrūs Reigys ūļneicā 50, ir attaiseits jauns veikals „O!Marta”. Ite var nūpierkt latgalīšu gruomotys, suvenirus, vysaiduokus rūkdorbus i materialus rūkdorbim.

Lai vysim kruosaina vosora i gaidom gostūs!

Ar sveicīni, Dagneja Bramane

DSCF4049

IMG_20140425_183551

IMG_20140630_203605

DSC05420

DSC05520

Pastuosti cytim!

Leidzeigī roksti:

Leave a Reply