Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Baļtinovīši brauc iz Reigu ar izruodi „Ontans i rodne”

Reigā varēs redzēt izruodis „Latgola.lv” originalverseju

20. aprelī Reigā gasteis Baļtinovys dramatiskais kolektivs „Palādas” i ruodeis izruodi „Ontans i rodne”. Izruodis laikā skateituoji izzynuos, kai latgalīši teik golā ar izslavātuos latgalīšu vīsmīleibys sekom, kai ari redzēs, cik jautrai reizem var saīt ar nagaideitu gostu īsarasšonu sātā.

Izruode „Ontans i rodne” 20. aprelī 19:00 st. byus apsaverama kinuteātrī „Splendid Palace”, Reigā, Elizabetis īlā 61. Izruodis volūda – latgalīšu. Bileti nūpierkami „Biļešu servisa” kasēs i internetā.

Vysā serialkomedejā „Ontans i Anne” ir ostonis serejis. Kinuteatrī „Splendid Palace” nūsaveramuo izruode „Ontans i rodne” (Antons un radi) ir komedejis 7. sereja. Ontons_Anne

Pi Annys nagaideitai atbrauc gostūs juos muosa Ļuce, kuruo pyrms 15 godu gribēja atjimt muosai kūpeigū montuojumu.   Jei ir slyma i nabadzeiga, grib atgiut veseleibu lauku svaigajā gaisā, tik na vyss ir tai, kai izaver. Ir taids sokomvuords „Īlaid vuti kažukā, uorā nadabuosi” – ari itamā reizē Ontans rauga dabuot uorā „vuti” nu kažuka. Kai vysod – Ontans rauga ar dažaidim pajiemīnim i puorbaudeitom metodem, bet naveiksmeigai. Gols golā vysu izškir gadejums ci tai sauktais „Dīva pierksts”.

Komedeja „Ontans i Anne” nazkod tai īsapatyka režisoram Valdim Lūreņam, ka pyrmuos treis komedejis serejis tyka īkļautys Latvejis Nacionaluo teatra izruodē „Latgola.lv”. Baļtinovīši Reigā ruodeis izruodis originalverseju.

Ituo goda suokuos baļtinovīši kinuteātrī „Splendid Palace” jau ruodeja komedejis 6. sereju, vysi bileti beja izpuordūti, i skateituoji pīpraseja komedejis turpynuojuma.

Kai atzeist lugys autore un režisore Anita Ločmele ci Danskovīte: „Reiga Baļtinovys aktīrim nūzeimej cīši garu ceļu i vysod nu ilguos siediešonys suopušys mugorys. Vīneigais prīceņš pa ceļam parosti ir apsastuošona ceļamolys kopejneicā. Tok leluokuo bolva mums ir Reigys skateituoju atsauceiba, dzeivuošana leidza lugys nūtykumim i smaidi, ejūt paceli nu izruodis.”

Baļtinovys dramatiskais kolektivs „Palādas” (latvīšu volūdā – „Pūces”) darbeibu suoka 1999. goda novembrī. Piec puors godu muokslinīcyskuos darbeibys kolektiva režisore Anita Ločmele, nūsaglobuojuse aiz pseidonima Danskovīte, Baļtinovys izlūksnē saraksteja lugys „Ontans i Anne” pyrmū daļu – tei beja luga par pošim baļtinovīšim. Tai īsasuoka latgaliskūs lugu tradiceja Baļtinovā. Izruode kliva par serialu, partū ka poši skateituoji pīpraseja turpynuojumu i pīduovuoja idejis, par kū vēļ varātu raksteit.

Amaterteātris „Palādas” ar izruodi „Ontans i Anne” ir pīsadalejuši Latvejis amatīrteatru skatēs „Gada izrāde”, kur 2004. godā izruode sajēme Goda lobuokuos izruodis titulu, bet 2006. godā kolektivs sajēme Kulturys ministrejis premeju par spylgtu davumu sova nūvoda volūdys mentalitatis populariziešonā.

Vaira informacejis:

Kristīne Pokratnīce,

bīdreibys „Latgolys Studentu centrs” vaļdis lūcekle

mob. t. 28240441

Pastuosti cytim!

Leidzeigī roksti:

Leave a Reply