Vaļsts Kulturkapitala fonda (VKKF) 2018. goda 1. kulturys projektu konkursā atbaļsteits “Latgolys Studentu centra” snāgtais projekts “Latgalīšu kulturys ziņu portas lakuga.lv”. Daškiertais finansiejums 5000 eiro apmārā ļaus nūdrūsynuot portala lakuga.lv darbeibu vairuoku mienešu garumā.
Portals lakuga.lv dorbojās jau nu 2007. goda, bet 2018. goda janvarī tys sajēme oficialu medeja statusu, i niu tys ir “Latgalīšu kulturys ziņu portals lakuga.lv”. Tymā vīnuvīt bez moksys sajamama jaunuokuo informaceja par Latgolys i latgaliskuos kulturys aktualitatem, portals palics par sova veida Latgolys vizeitkarti. Sovim skaiteituojim lakuga.lv pīduovoj īsapazeit ar jaunuokajim dorbim latgalīšu literaturā i muzykā, rokstus par Latgolys viesturi i latgalīšu volūdu, intervejis ar sabīdreibā zynomim latgalīšim i c.
