šiļte i pavasars

LgSC Reigys birojs ir tics pi oficialys, glaunys šiļteitis jau trepēs. 🙂

Pavasars ir atstuojs pozitivu īspaidu iz visim Tonis birojā satyktajim ļaudim. Vysi ir apjiemeibys piļni dorbuotīs – raksteit projektus, reikuot tolkys i c. atraktivus pasuokumus. Ituos nedelis muzikaluo nūformiejuma favoriti ir Projekts – Kapļi.  Reali īkaplej! 😉

Kluot jau apreļs. Ar tū ari apsveicu vysus! 🙂 Tautā apreļs teik saukts par spūdreibys mienesi. Ļauds sakūp, aizslauka pa celi zīmys nūsādumus, kab dreižuok īraudzeitu dobys atdzimšonu, izakustātu svaigā gaisā, saulē.

Kasdīnys dorbi Tonis birojā. Vīns roksta, cyti ād, pliesnej i spriež idejis.

_________________________________________________________

A ite jaunuokī nūtykumi kūpā ar LgSC:

Da 10. apreļa jaunīšu rodūšūs dorbu konkurss par Latgolu.

17. aprelī stopiešonys saceņseibys studentim i cytim gorā i mīsā jaunajim iz Dagdu.

18.aprelī ir Latvejis Leluo tolka. LgSC aicynoj iz tolkuošonu Dagdā! Piec tolkys paradzāti daņči, kurus spieļuos i vuiceis Preiļu Valsts gimnāzejis folklorys kūpa “Rūtoj”.

25. aprelī “Vuolyudzāni” Rēzeknē – skotuvis konkurss škoļnīkim i olimpiade vydsškolnīkim i studentim.

9. majā nakomercials pasuokums autorim i skaiteituojim “Tievanānu pavasars” Viļānu pogosta Tievanānūs.