Pīsasoki “Atzolom” da 7.juļa!
Jaunīt!
Tev vēļ ir puors dīnu, kab dasasaceitu jaunīšu naformalojuom apvuiceibom “Atzolys” Bieržgalī (Rēzeknis nūvods).
Byus trokys reita rūsmis, pušdīņu īdvesmys stuosti, vokora puosokys i breineigi nakts puorguojīni.
Pa vydu vysam – vuiceisimēs raksteit latgaliski, vuiceisimēs saprast, vuiceisimēs īzaklauseit latgaliskajā, Latgolā i vīns ūtrā.
Gostūs – latgalīšu muzike, vokaluo ansambļa “Skonai” vadeituoja Guntra Kuzmina, grupys “Green Novice” solists Alvis Bernāns, Latgolys viestnīceibys “GORS” mārketinga nūdalis vadeituoja Edīte Husare, režisors Edgars Blinovs i cyti Latgolu i latgaliskū meilūši cylvāki.
Izlūceisim kuojis i bolsus kūpā ar “Rikšim”.
Mes gribim, lai Tu dzeņ sovys atzolys Latgolā!
Gaidom dasaciejuma anketys da 7.juļa pusnaktei!
Naformaluos apvuiceibys nūtiks Rēzeknis nūvoda Bieržgaļs pogostā nu 10. da 13. juļam. Aicynuoti pīsadaleit jaunīši nu 17 da 22 godu vacumam. Daleiba bez moksys!