Latgalīts Krīvejis plašumūs

Pyrma nedelis jau trešū reizi LgSC Tonis birojā Reigā nūtyka stuostu serejis “Latgalīša pādi pasaulī” pasuocīņs i itymā reizē par sovim pādim Krīvejis plašumūs stuostieja Marita Papiņa i Valdemārs Stūris.

Byudams geologs piec izgleiteibys, Valdemārs īpazeistynuoja ar Latvejis geologu paleontologiskū ekspediceju Dīvydu Timanā – Krīvejis Eiropys zīmeļaustrumu daļā, kur Latvejis geologi veica paleontologiskūs izrokumus Ižmys upis lobajā krostā preteimā Sosnogorskas piļsātai. Klauseituojim itei beja īspieja na viņ drupeit vaira izzynuot par dzeivi itymā Krīvejis daļā, bet vēļ vaira giut sapratnis, kas tei taida paleontologeja par zvāru.

Maritys stuosts beja Krīvejis Sibira golu – Krasnojarskys nūvodu, Ačinskys i Bogotolys mīstim i apleicīni, kur jei devēs volūdnīku ekspedicejā ar mierki – nu breiva pruota iz Sibireju aizbraukušūs latgalīšu piecteču meklejumi, nu “pādu” stuosts nabeja tik daudzi zynuotnisks, cik vaira par tī dzeivojūšim ļaudim i ekspedicejis dalinīku sadzeivi i tuolū ceļu.

Bīdreibys 2008.- 2011. goda darbeibys programu atbolsta Islande, Lihtenšteina i Norvegeja EEZ finanšu instrumenta i Norvegejis finanšu instrumenta ītvorūs, i Latvejis vaļsts ar Sabīdreibys integracejis fonda storpnīceibu.