Pa Erasmus studentu pādim

Ūtardiņ, 26. martā LgSC Jelgovys biroja bīdri reikuoja pasuokumu, kur LLU studenti, kuri beja pīsadaliejuš ERASMUS programā, pasadalie sovā pīredzē.

2,5 stundu laikā klausietuoji varēja izdzeivuot i izatāluot 6 stuostus i dūmuos paceļuot pa 6 valstim – Pūleju, Norvegiju, Ungareju, Spāneju, Portugali kai ari pa Latveju. Studenti stuostieja par tū, kai jim guoja ERASMUS programā – kaidys izgleiteibys sistemys ir cytuos vaļstīs, kaidys ir vaļstu atškireibys, kaidi pīdzeivuojumi jīm tī atgadiejuos i daudzys cytys detalis. Kotrs stuosts beja sovaiduoks, bet jūs vysus vīnuoja pozitivys atsauksmis par ERASMUS. Ikvīns, kas izmantuoja šū programmu, īsoka tū dareit ari cytim.

Myusim beja ari īpašs gosts, tys beja čehs, kas ir atbraucss iz ERASMUS programu vuicietīs LLU. Beja ļūti interesanti pazaklausēt juo pīredzi.

Pa vydu interesantajim stuostim ikvīns varēja cīnuotīs ar čaju voi kopeju ar capumīm, kū saryupiejuši bīdreibas bīdri. Bet beiguos visi stuosteituoji sajēme īpašys LgSC atzineibys, ka jī ir pīsadaliejuš šaidā pasuokumā.

Kaida ir myusu atziņa piec ituo pasuokuma? Prūtams, nikur nav tik labi kā sātā, bet pasauli vāg redzēt, pīredzi īkruot, par tū ir labi, ka ir taida ERASMUS programa i cylvāki, kas dolās pīredzē i īdvesmoj cytus sekuot jūs pīmāram.

Jelgovys biroja jaunīši