Aicynojam iz nasteidzeigu nedeļgolu “Bondarūs”

Sovulaik Ilze Sperga īdybynuoja breineigu pavasaru tradiceju ar “Tievanānu čulanu”. Laiks ir guojs, čulanam pauze, bet vosorā iz leidzeigu nedeļgolu 16. i 17. julī ar kuo ta jauna izzynuošonu, sarunom i kūpā byušonu lauku sātā “Bondari” Rēzeknis nūvoda Čornuos pogostā aicynoj Regita Zeiļa.

Programā: nasteidzeigys sarunys, diskusejis, rodūšys darbneicys (vysi dalinīki aicynuoti ari poši eistynuot kaidu aktivitati, ka ir taida gribiešona), ēst taiseišona svaigā gaisā i pierts.

Nakšņuošona: lauku sātā ir vareiba palikt 10 cylvākim (6 gultys, puorejī iz matraču), uorā var palikt sovā teļtī.

Leidza: grūzeņš kūpejam goldam. Sātys saimineica Regita sūlej pacīnuot ar putru, soltū zupu i bleinim.

Obligata dasasaceišona: https://forms.gle/XBwRrxJzbmeqLExK9

Iz sasatikšonu “Bondarūs”!