LgSC kliust par „International Prank Organization” dalinīku
Itymā* godā „Latgolys Studentu centrs” ir nūliems īkaruot jaunys viersyutnis, izvērst sovu darbeibu i realizēt leidz šam nabejušu projektu. 30. februarī LgSC ir klivs par vīnu nu pasauļa leluokuos jaunīšu organizacejis „International Prank Organization” dalinīku. Organizacejis darbeibys mierkis ir veicynuot storpkulturu kontaktus i tymā pošā laikā styprynuot lokaluos kulturys i veicynuot tū atteisteibu. Projekts īcarāts iz vairuokim godim, kas paredz vierīneigus pasuokumus – apmainis braucīņus, seminarus, nūmetnis, konferencis i t.t. Itymā godā tyks eistynuota pyrmuo kuorta, kurys laikā vosorā LgSC puorstuovji dūsīs iz seminaru Čadā, kurš byus veļteits jenaka cyļts problemom – izaicynuojumim myusdīnu globalajā pasaulī. Sovukuort iz Zīmyssvātku laiku Latvejā gasteis Čadys jenaku apvīneibys puorstuovji, kab īsapazeitu ar latgalīšu tradicejom i nimtu daleibu tymuos, pyrmū i īspiejams vīneigū reizi dzeivē radzātu snīgu.
Šūbreid ir 2 breivys vītys braucīņam iz Čadu, kura izmoksys piļneibā tīk sagtys nu projekta leidzeklim, i LgSC aicynoj atsasaukt Latgolys kulturys darbinīkus, kuri grybātu dūtīs iz seminaru. Interesentus lyudzam raksteit iz epostu lgsc@lgsc.lv.
P.S. Ka labi īsaviersi, atrassi puors LgSC bīdrus!:)
Ziņu sagataveja
LgSC Valmīrys biroja vadeituojs
Jurs Apiņs
valmira@lgsc.lv
*Itei ir 1. apreļa viests! April! April!:)