Leldīnis ticiejumi
LgSC nadaudz pasaviera, kū tautys ticiejumi myusim viestej par Leldīni:
Par Leldīnom juovuora ūlas, lai opolas teleites barojās.
/A. Ancāns, Eglūna./
Leldīnā nūdātū ūlu vajag likt izperēt, jo nu tuos ūlas izīs skaista un dējīga visteņa.
/Jaunais Vords, 1932. III, 22./
Leldīnē vajag pajemt svēteituos tukluos gaļis gabaleņu un nulikt leidz tam laikam, kad suoc labību pļaut, un pyrmū reizi ejūt pļautu, vajag nusmērēt sierpu ar tū tuklū gaļi, tad pelis naēss labības. Svēteibas vajag cīši sorguot nu pelēm, jo peles daboj ēst svēteitu maizi voi goļi, tad polīk par plykspuornim un dora cylvakim vysaidus ļaunumus.
/A. Gari-Jone, Dricāni./
Kas zam Leldēnis lelā sestdīnā ēss vairuok zierņu, tod itei pīzīmēj, ka tys byus boguots cylvāks.
/V. Podis, Rēzekne./
Kas leldīnā pyrmais atbrauc nu bazneicas, tys vysu godu pyrmais pī darba un tureibas.
/Jaunais Vords, 1932. III, 22./
Jo meita grib zynuot, nu kuras puses nuoks precinīki, tad leldīnas prīkšvokorā uz dzirnuovom juomaļ odamū odotu; kurā dziernovu pusē caur akmiņim odota izīs, nu tuos puses precinīki brauks.
/Jaunais Vords, 1932. III, 22./
Ari Jelgovys jaunīšu savuokuši ticiejumus par Leldīni. Izlosi, mož kaids nu jīm Tev pasoka prīškā, kai reikuotīs Leldīnē!
*Leldīnis reitā agri juozaceļ, tod vysu godu byus mūžums.
*Leldīnī vajag daudzi šyupuotīs, tod vysu godu naīs mīgs.
*Ka jau īprīkš Leldīnis ryuc pārkiuņs, tod byus borga vosora.
*Ka nagrybi, kab ir lelys kuojis, tod vajag Leldīnis reitā ar bosuom kuojuom uzkuopt iz akmiņa.
*Leldīnis naktī radzātī sapyni pīsapylda.
*Kod vardives pa Leldīni īt puori lelceļam, tod gaidama leitaina vosora.
