Latgolys Studentu centra diskuseju ustoba Rēzeknē

Rēzeknē, ūtardiņ, 18.majā Latgolys Studentu centrs pyrmū reizi aicynoj iz diskuseju ustobu.
Pasuocīņs nūtiks 20:00 stuņdēs kafejneicā „Olmāra” (Reigys īlā 1, Rēzeknē).

Vokora gaitā Tev byus īspieja sasatikt ar dažaidu sferu puorstuovim i diskutēt par dažaidom temom, uzzynuot cytu ļaužu i pasaceit sovu redzīni (vīdūkli).

Pyrmuos diskuseju ustobys temys:
• Latgalīšu volūdys pareizraksteiba (vad. Līga Bernāne);
• Latgolys Saeima (vad. Jurs Viļums);
• Latgalīšu literatūra (vad. Oskars Orlovs);
• Latgalīšu muzyka (vad. Anna Briška).

Sarunu vešona baļsteita iz uorzemu pīredzi diskuseju reikuošonā, izmontojūt „World Cafe” metodi, kur kotrs dalinīks piec rotacejis principa var pīsadaleit kotrs temys apsprīšonā.

Piečuok nu aktivom sarunom puorīsim iz lusteigim daņčim kūpā ar grupu „Marchello”. Moksa par balu 1Ls.