Latgalīšu volūda i medejprateiba. Nūdarbeiba Rēzeknis nūvodā
Septembra suokumā latgalīšu kulturys kusteibys “Volūda” uzturātuo latgalīšu kulturys ziņu portala lakuga.lv redakcejis puorstuovis Laura Melne i Edeite Laime gasteja Rēzeknis nūvoda pošvaļdeibā, nūvoda kulturys darbinīkim pīduovojūt nūdarbeibu ap latgalīšu rokstu volūdu i tuos izmontuošonu medejprateibys temā, vaira seve pasorgojūt ditigalajā pasaulī.
Nūdarbeibā pīsadaleja 20 Rēzeknis nūvoda kulturys sferys darbinīku. Juos pyrmajā daļā beja vareiba vaira izzynuot par latgalīšu volūdys raksteibys pamatim, piļdeit aizdavumus i saprast atškireibys runuotuos i raksteituos volūdys vydā, bet ūtrajā – izzynuot par medejprateibu car latgalīšu volūdys i pyrmajā daļā dabuotūs zynuošonu prizmu – kai, izmontojūt mozuoklītuotuos volūdys, seve vaira pasorguot škārsteikla vidē, kam dagrīzt viereibys, radzūt viests – medejūs voi e-postu sarakstē – latgaliski.
Fotogalerejā: nūdarbeiba Rēzeknis nūvodā
