Jelgovys latgalīšu lobī dorbi

Tyvojūtīs Zīmyssvātkim, kotra sirdī i dvieselē aizviņ spylgtuok pasaruoda sirsneigums, labesteiba, dvieselis syltums i duosnums. Ari mes, Jelgovys latgalīši, vieliejomēs snīgt apleicejim kaidu jauku i sirsneigu duovonu, kas radeitu kaidam smaidu sejā i syltumu sirsneņā.

Ituo goda pādejā Latvejis Lauksaimnīceibys universitatis vuiceibu nedeļā tyka izdareiti puora pateišom lobu darbeņu. LgSC Jelgovys biroja aktivisti beja planavuojušs īt iz Jelgovys slimineicu i nūdūt ašni, daļu nu atleidzeibys zīdojūt lobdareibai. Ūtardīnys pīvakarē Latgolys rūkeiši Līga, Juoņs i Anita devēs pi Jelgovys eglis i garomguojiejim praseja nūlaseit īprīkš sagataveitus dzejūleišus i nūvieliejumus latgalīšu volūdā, par kū jī pretim sajēme kampetu maiseņus. Tuos pošys dīnys vokorā biroja aktivisti i jūs draugi tykuos bīdreibys „Šalkone” telpuos iz vakariešonu, kur vīns ūtru apduovynuoja i skaiteja dzejūleišus.

Video verīs latgaliskūs nūvieliejumus i dzejūleišus.