Goda leluokais gruomotu tiergs aizvadeits
Nu 1. leidz 4. martam Reigā Kīpsolys izstuožu zalā nūsarysynuoja „Latvejis Gruomotu izstuode 2012”, kurā pīsadaleja ari „Latgolys Studentu centrs” ar sovu gruomotu stendu.
LgSC gruomotu golds pīsaisteja lelu izstuodis apmaklātuoju uzmaneibu, partū ka tikai vīneigi pi mums vīnkūpus varēja nūpierkt tik daudz gruomotu latgalīšu volūdā i par Latgolu. Daudzi piercieji jau internetā beja īsapazynušs ar LgSC pīduovuojumu, sovukuort lela daļa par mums uzzynuoja pyrmū reizi i izruodeja lelu interesi i prīcu, ka latgalīšu gruomotys teik pīduovuotys Reigā. Itūreiz par vysu vairuok pierktū gruomotu kliva naseņ izguojušuo Valentina Lukaševiča „Latgaliešu – latviešu vārdnīca”.
Prīca, ka latgalīšu gruomotys teik skaiteitys i īinteresej aizviņ plašuoku auditoreju i na tikai latgalīšus. LgSC soka lelu paļdis vysim breivpruoteigajim tierguotuojim par entuziasmu i paleidzeigu rūku.
Iz sasatikšonu nuokūšajā gruomotu tiergā!
LgSC gruomotu nūdaļa
