Giuņ šaļtenis – LaLaDra Juosmuižā!

25. augustā Raiņa muzejā „Juosmuiža” (Preiļu nūvoda Aizkalnē) nu 17:00 nūtiks literari muzykalais pasuocīņs „Latgalīts latgalīšam draugs” (LaLaDra).

Šūreiz pasuokuma vadmotivs ir Raiņa jauneibys dīnu moto: „Carpe diem!” (latgaliski – „Giuņ šaļtenis”). Pasuocīņa reikuotuoji bīdreiba „Latgolys Studentu centrs” i Raiņa muzejs „Juosmuiža” aicynoj giut vosorys šaļts i pasavērt iz Raini kai Latgolā dzeivuojušu jaunīti, i taipoš aizdūt sev interesejušūs vaicuojumus pasuokuma dalinīkim par myusdīnu latgalīšu literaturu, muzyku i jū kasdīnu.

Litearari muzykalais pasuokums „Latgalīts latgalīšam draugs” nūteik jau pīktū godu. Pasuocīņa dūma ir puļcēt vīnuvīt latgalīšu autorus, muzykantus i klauseituojus, lai kūpeigi dzīduotu, runuotu i doncuotu. Piečuok pēc dzejis i prozys lasejumim, dzīsmem i vaicojumim byus daņči ar latgalīšu muzyku.

Muzejs pīduovoj īspieju pajimt leidza sovu telti i Juosmuižys parkā palikt par nakti i nuokušajā dīnā 26. augustā 13.00 stuņdēs muzeja parka estradē nūsavērt Baļtinovys dramatiskuo teatra „Palādas” izruodi „Ontons i Anne – kuozu goda jubileja”.

Brauc pats i jam leidza draugus! Kai vysod pasuocīnī LaLaDra īeja bez moksys!

Vaira dazinuošonai pi Dagnejis (Tel. 28362243; e-posts: dagneja@gmail.com)