Dzīsmis, spēlis i īroksti LgSC Reigys birojā.

25. februarī plkst. 18:00 “Latgolys Studentu centra” džinsuoti dzīsmuotuo folklorys kuora – kūpys dzimšonys dīna – pyrmais mieginuojums! Nūceini putekļus nu sovys dzīšmu kladis i ej šur iz Antonejis īlu 8 – 3/6 sadzīduot!

Kai pi dzimšonys dīnys – byus ari čajs atelpys šaļtim!

2. marts – Spēļu dīna. Tai kai Reigys biroja izklaižu kluosts pasapyldynuojs ar lelu spēļu kasti “Best 50 games”, tod kai byutu ar kaidu dambretis, bingo, cirka parteju? Varbyut “Sabotīrus”, “Riču raču”? 2. marts teik pasludynuots par spēļu dīnu. Bet tuo vokora planā byus ari pošim sovu spēļu taiseišona i/ci asimiliešona latgaliskajam variantam.. Padūmā ir “Latgalīšu alias”, “Latgola” i vēļ puora spēlis. Varbyut Tev pošam ir kaida spēle, kū varātu saspieļuot – tod tik jam leidza! Suokums 18:00.

3. martā LgSC podkāsta pyrmuo īroksta seseja Tonis birojā! Ka gribi nūdūt sveicīni babai, īrunuot puorsoku, aili, zinis voi vēļ nazkū cik pat lobu – Tev tī juobyut! Suokam 18:00.

Atguodynuojumam – LgSC Reigys biroja dorba laiks:

1d 17 – 19
2d 17 – 21
3d 17 – 21
4d 17 – 20