Dzīsmis pi “Leigonuo kliņgera”

21. oktobrī Rēzeknē Atbreivuošonys alejā 115. nūtyka LgSC reikuota muzykala latgalīšu dzīšmu i videklipu piecpušdīne. Itys pasuokums ir pyrmais sūļs, kab apzynuotu i izavālātu dzīsmis, kurys vieļuok tiks veiduotys kai latgalīšu dzīšmu karaoke. Iz pasuokumu beja puļciejušīs Rēzeknis “Latgolys Studentu centra” bīdri, aktīvisti, latgalīši i ari daudzi puornūvoda dzeivuotuoji, kurim ir interese par latgaliskū volūdā, kulturā i muzykā, i taipat  vīnkuorši lobi cylvāki.

Pasuokumu latgaliski īskandynuoja arī Daiņs Adiāns ar romantisku gitarys spēli i Santa Viša ar vijūlis skaistū, rudineigū skaniejumu. Latgalīšu dzīsme beja vysys piecpušdīnis pamata motivs i ideja. Īraudzeit jū videoklipūs, dzīduot kūpā, klauseitīs latgalīšu muzyku dzeivajā izpiļdejumā. Klingers beja lobs i soldons, i leigonu i dzeivu jū dareja meilī cylvāki, kuri dūmova, dzīdova, smējuos latgaliski. Latgaliski – tys nūzeimej „eistyn”.

Iz itū kūpā byušonys pasuocīni beja atbraukuši ari Latgolys regionaluos televizejis puorstuovi, kuri taiseja sižetu par LgSC darbeibu Rēzeknē. Latgolys Studentu centrs 2. novembrī svinēs sovu 5 godu jubileju.

Kotrs itaida veida pasuokums latgalīšu volūdu i sirds dora boguotuokys, i ļaun vairuok saprast, cik boguoti mes jau asam tāņ. I pīsapylda tys, ka latgalīšu volūda teik saulē, kur jau seņ ir juos eistuo vīta. Paļdis vysim, kuri beja kūpā itūreiz, i teikomīs cytūs pasuocīņūs!

Muzykālu i leiksmu rudini vālūt –

 

Ilze

LgSC Rēzeknis biroja aktiviste