Bīdreiba atbolsta Moskovys, Latgolys i Lomonosova īlu Reigā puorsaukšonu
Reitu, 21. februarī, Reigys dūmē plānuots viertīs i bolsuot par lāmumu vairuoku īlu puorsaukšonai, atjaunojūt viesturyskūs voi mainūt asūšūs nūsaukumus. Latgalīšu kulturys kusteiba “Volūda” (bīdreiba “LgSC”) pīsavīnoj ari cytu organizaceju rūsynuojumam i aicynoj Reigys dūmis deputatus atbaļsteits īlu nūsaukumu maiņu.
Nūsaukumu maiņu ideja ir Latgolys regiona i juo personeibu gūdynuošona. Īsacejums īlys nūsaukumūs gūdynuot personeibys, kurys sovulaik dzeivuojušys Reigā i davušys īguļdejumu Latvejis Republikys atteisteibā i ir svareigys vysys Latvejis kulturys personeibys. Pīduovuojums ir Moskovys īlu puorsaukt par Latgolys īlu, asūšajai Latgolys īlai dūt Juoņa Klīdzieja vuordu, bet Lomonosova īlu nūsaukt Valerejis Seilis vuordā. Ar aicynuojuma tekstu var īpasazeit dalyktajā viestulē.
Aicynuojuma mierkis ir turpynuot nūvērst Padūmu okupacejis sakys, gūdynuot Latvejis regionus, Latvejai svareigys personeibys, kai kai ari vaļsts golvyspiļsātu padareit kai Latvejis Republikys vierteibys saprūtūšu i atbolstūšu vidi vysūs darbeibys leimiņūs, kurūs vydā ari īlu puorsaukšona.
Bīdreibys aktivitatis 2023. i 2024. godā atbolsta Sabīdreibys integracejis fonds nu Latvejis vaļsts budžeta daškiertūs Kulturys ministrejis leidzekļu projektā “Latgaliskuos kulturvidis styprynuošona: sadarbeiba, izpratne i īsaiste”.
