Vīns nu vosorys viestnešim ir ūdi, arī itūgod bez jim naiztikt, bet kaids tautys ticiejums viestej, ka ūdim nu spūku stuostu ausīs suoc skanēt tik brīsmeiga muzyka, ka jī nu baiļu skrīn pasasliept tyvuokajūs kryumūs. LgSC Reigys birojs itūgod nūlieme itū ticiejumu puorbaudeit iz sovys uodys, partū catūrtdiņ, 31. majā, nu 19:00 esi gaideits iz pikniku pi Dambjapūra azara. Pasuokuma belets i ūdu aizbaideišonys leidzeklis ir spūku stuosts – koč kur izlaseits, poša sacarāts voi poša pīdzeivuots. Byus ari īspieja kurynuot gunkuru i koč kū izcept, kai tys pīdīn eistam piknikam.
Lai Tu naapsamaļdeitu, pīduovojam sasatikt i dūtīs kūpā. Tikšonuos 21. autobusa pīturā „Breiveibys īla” 18:15.
Datikšona nu Reigys centra ar 21. autobusu (leidz Hipokrata īlai) ci 18. i 14. trolejbusu (leidz golapunktam).
Vaira dazynuošonai i ka goduos problemys ar atrašonu, zvaneit Kristīnei (Tel. 282 404 41)
