Atskots iz īsapazeišonys vokoru

21.marta vokorā LU golvonajā ākā „Latgolys Studentu centrs” aicynuoja vysus, kuri sirdī jiutās latgalīši, iz īsapazeišonys vokoru. Vokors itūreiz beja īcarāts vairuok naoficiālā gaisūtnē – kai spieļu vokors. Juoņs gon naaizmiersa ari vysim, kas atguoja, nadaudz izstuosteit par LgSC mierkim, darbeibu, leidz šam izdareitū i nuokūtnis īcerem. Atguojušī sasadaleja trejuos grupeņuos, lai saspālātu cyrku latgaliski, latgalīšu domino, vuordu skaidruošonys spielis „Alias” latgaliskū variantu, pa storplaikim uzdūdūt vīns ūtram vaicuojumus, pīmāram, par saisteibu ar Latgolu, latgaliskū. Iz vaicuojumu par meiluokū vītu Latgolā vysi kai vīns atsaceja, ka tei ir jūs kotra dzymtuo vīta voi tyvuokuo apleicīne. Pasuokuma beiguos pruots tyka izkustynuots ari ar meikļu miniešonu nu Stefanejis Uļanovskys etnografiskuo tālojuma “Pūļu Inflantejis latvīši”. Juoatzeist, ka napuorspāts miniešonys līders beja Jureits. Lai jam labi garšoj Latgolys spāka čajs!

 Iz tikšonūs cytā reizē! 🙂

LgSC Reigys birojs

Fotokarteņuos nalels īskots pasuokumā