Asam izvirzeiti „Boņukam”

Rēzeknē 22. februarī tiks padūta Latgalīšu kulturys goda bolva „Boņuks 2014”. Bolvai vairuokuos kategorejuos asam nomināti ari mes – „Latgolys Studentu centrs” i myusu bīdri.

Kategorejā „Sabīdreiba i kultura” ar 2014. goda aktivitatme asam nomināti par latgalīšu volūdys populariziešonu. Sovukuort myusu izdūtuos postkartis ar latgaliskim teicīnim nominātys kai goda snāgums vizualajā muokslā.

Myusu folklorys kūpa „Ceidari” kategorejā „Muzyka” nomināta lobuokajam snāgumam tautys muzykā i goda debejai muzykā.

Goda cylvākam nomināta LgSC bīdre Edeite Husare, folklorys kūpys „Ceidari” dybynuotuoja i latgalīšu kulturys aktiviste. Sovukuort kategorejā „Literatura” izvirzeita Ilze Sperga par gruomotu “Dzeiveiba” i Ligija Purinaša par dzeju i prozu.

„Boņuks” ir vīneiguo bolva, kas eipaši izceļ i gūdynoj sasnāgumus latgalīšu kulturys dzeivē. Bolvys sajiemieju vuordi tiks paziņuoti svineigajā ceremonejā Latgolys viestnīceibā GORS.

 

Ar puorejim bolvys pretendentim var īsapazeit lakuga.lv.

 

Viesti sagataveja:
LgSC Reigys birojs