Aicynojam paleidzēt saprast dezinformacejis ap latgalīšu kulturu i volūdu situaceju
Medeju telpā kai pādejā laikā, tai īprīšk asam manejuši informaceju ap latgalīšu kulturu i volūdu, kas sēj švuorbys kai par navaļstiskūs organizaceju, tai latgaliskuos kulturys aktivistu dorbu. Gribīs saprast, voi tī ir viņ reši izjāmumi, dezinformaceja* voi eistyn sabīdreibā tai dūmoj, deļtuo cīši nūdarātu jiusu redzīņs par dorbu ar latgalīšu kulturu, volūdu, kai ari navaļstiskajom organizacejom kai taidom.
Aptaujis anketa dabuotuos atbiļdis paleidzēs latgalīšu kulturys kusteibys “Volūda” dorbā iz prīšku. Anketu aicynojam aizpiļdeit da 20. augusta. Anketa byus vierteigs informacejis olūts jau augusta golā nūteikūšajā “Volūdys”, Pasaulis Dobys fonda (PDF) i Latvejis Platformys atteisteibys sadarbeibai (LAPAS) hakatonā ap navaļstiskūs organizaceju populariziešonys kampanis izstruodi.
*Ar dezinformaceju mes saprūtam apzynuotai sagrūzeitu, napareizu informaceju.
