Aicynoj iz foto orientiešonūs Reigā “Vokora styga”
Latgalīšu kulturys kusteiba “Volūda” 3. oktobrī aicynoj studentus i tūs, kas vēļ sirdī jiutās studenti, īpazeit Reigys latgaliskuos vītys i pīsadaleit foto orientiešonuos pasuokumā “Vokora styga”.
Lai pīsadaleitu “Vokora stygā”, juosastota komanda 2 leidz 4 cylvāku sastuovā i juoaizpylda dasacejuma anketa (vālams da 1. oktobra). Anketa daīmama ej.uz/VokoraStyga2023. Ka gribīs pīsadaleit, tok nav komandys, ari drūsai var dasasaceit. Meili aicynuoti pīsadaleit ari jaunīšu programys “LTG tu dū!” dalinīki, kuri dzeivoj/studej Reigā.
Par pareizi izpiļdeitim aizdavumim komandys sajims punktus, i uzvarātuoji tiks pi bolvu.
Sasatikšona 3. oktobrī 19.00 pi Raiņa pīminekļa Esplanadē.
Vaicuojumu gadīnī sasazynoj organizatorim – zvoni ci roksti Whatsapp iz numeri 28 240 441 (Kristīne).