Reigā nūtiks gruomotys “Sunāns breiveibā” prezentaceja
15. aprelī 12.00 stuņdēs Rakstnīceibys i muzykys muzeja kulturtelpā “Tintnīca” (Pulka īla 8, Reiga) nūtiks gruomotys “Sunāns breiveibā” prezentaceja, iz kurū teik gaideitys saimis ar bārnim.
Pasuokumā byus vareiba sasatikt ar komiksa “Sunāns breiveibā” autorem Lauru Melni i Viviannu Mariu Stanislavsku, kūpā īsavērt gruomotā i nūsaklauseit stuosta fragmentu, tikt pi autoru autografu, klauseitīs bārnu i jaunīšu vokaluos studejis “MOMO” jaunīšu snāgumu, kai ari pīsadaleit rodūšajā darbneicā i sataiseit pošim sovu komiksu gruomateņu.
Bārnim īīšonys moksa ir 2 eiro, pīaugušajim – bez moksys. Īprīšk juopīsasoka ITE. Vaira informacejis par pasuokumu ITE.
