Ideju vātra skaipā i cytur

Vasali!

Paļdis vysim, kas vakar vieli vokorā pīsavīnuoja sarunai Skype par LgSC niu i bīdreibys atteisteibu!
Kūpā sasalasējem 19 cylvāku.
Ka Teve tī nabeja i gribi pīsadaleit, atsyuti maņ sovu Skype niku! Voi ari meklej pats – saprge.
Sarunys turpynuojums Skype 16. martā 22:00-23:00.
A sarunys turpynuojums kluotīnē – vieļuok pavasarī.

Turpynojūt ideju vātru par latgaliskumu iz prīšku, ite īdvasmai roksts Par grāmatu nākotni i jimā vydā kina.
Ari par latgalīšu gruomotu nuokūtni. 🙂

Parkū na Latgolys atlants? Ar kartem, datim, faktim? Vairuokuos volūduos.
Parkū na elektroniskūs latgalīšu tekstu kruotive Tovā kuldā?
Bārnu gruomota? Vuiceibu leidzekli?

Itū catūrtdīņ 17;30 stuņdēs LNB nūteik diskuseja Grāmata digitālajā vidē. E-grāmata II.

Itūnedeļ palaista 1. e-gruomota Latvejā: Apgāds Zvaigzne ABC sāk tirgot pirmās elektroniskā formāta grāmatas Latvijā.

Tehnologejis atsateistēs. Latgalīšu literatura jau niu (2009. gods i myusdīnu autoru teksti) ir vaira škārsteiklā, na iz papeira.
Ūtrais (voi varbyut trešais, catūrtais, pīktais i tt.) Gūtenberga efekts – teiklā mudri i vīgli var publicēt kotrs, bez naudys izdūšonai, papeiram, drukai, izplateišonai.

Tys, kas niu ruodīs murgs, īspiejams, ir nuokūtne.

Nu catūrtdīnis LNB diskusejis daleibnīka i cyta storpā ari latgalīša Kristapa Skuteļa dīnroksta:
Latvijas gadījumā es digitālo grāmatu attīstības sniegtos labumus es gribētu just Latgalē. Es uzskatu, ka tā šim reģionam ir lieliska iespēja spodrināt un popularizēt savu valodu/kultūru un iznest to braši ārpus reģiona robežām. Un es tiešām to vēlos piedzīvot.

Idejis ir gaisā.

Ar cīnu –
Ilze Sperga,
LgSC vaļdis prīšksādātuoja