Aizvadeits Laladra Rēzeknē
10. maja pīvokorā (tai ap pīcim) dzejis i prozys skaiteituoji i klauseituoji sasatyka Rēzeknī, bīdreibys “Artistence” telpuos, pasuocīnī ar nūsaukumu “LaLaDra” jeb Latgalīts Latgalīšam Draugs.
Gaisteigajā vītā uzastuoja jau pazeistami literaturys autori, taipoš kai pavysam jauni – īprīkš naredzāti i naklauseiti skaiteituoji. Pasuocīni atkluoja Daiņs Adijans, nūdzīžūt divejis pošsacerātys dzīsmys, piečuok ar sovys dzejis/prozys skaitejumim turpynuoja Meldra Gailāne, Ligeja Purinaša, Edgars Stepiņš i Raibīs Suņs. Klauseituoji tyka aicynuoti iz eipašu uzadreiksteišonu – pošym paraudzeit skaiteit dzeju nu myusdīnu latgalīšu dzejis antologejis kruojuma “Susātivs”, tys vysai raiti pasadeva drūsminīkam – Andrim Rusiņam, kurs nūskaiteja ryndys nu Ingridys Tāraudys dzejis.
Lasejumus nūslēdze Latgolys Studentu centra Rēzeknis biroja aktiviste Kristīne Pokule ar dzīsmi par gaidamū laika prognozi.
Piec kotrys uzastuošonys muokslinīkim nuocēs atbiļdeit iz navysai vīnkuoršim vaicuojumim nu pasuocīņa vadeituoju pusis – tai mes uzzynuojom gon tū, kod lobuok rokstuos dzeja, gon tū, kaidus autorus skaita poši skaiteituoji, i tū, kurs lobuoks – tymsais voi gaišais.
Cīši lelu paļdis sokom restoranam “Rozālija,” kurs saryupieja uzkūdu goldu i Rēzeknis nūvoda pošvaļdeibai par mozuom baļveņom pasuocīņa dalinīkim.
“LaLaDra” ir pasuocīņs ar kvalitatis zeimi, ja na skaitetuoju daudzumā, tod kvalitati pasuocīņa atmosferā, gaideisim vēļ cytys itaida veida nūtikšonys.
LgSC Rēzeknis biroja
aktivisti
*Pasuokums nūtyka ar Vaļsts Kulturkapitala fonda atbolstu.
