LgSC kūpsapuļce nūtiks Reigā, 9. februarī

LgSC vaļde ir nūlāmuse itūgod bīdru kūpsapuļci reikuot Reigā 9. februarī Reigys jaunīšu centrā „Kaņieris” (Kanīra īlā 15). Kūpsapuļcis suokums 10:30, dorba kuorteibā  īskots LgSC viesturē, lekcejis, egionalūs biroju atskaitis, grupu dorbs, 2012. goda puorskota pījimšona, grupu dorbs, vaļdis atskaite par padareitū i jaunys vaļdis vieliešonys.
Piec kuorteigi padareita dorba paradzātys ari izklaidis – atpyutys vokors folkklubā ALA PAGRABS (Vacreigā, Smiļšu īlā 16). Vokora gaitā sarunys, dzīsmis i cytys atraktivys izklaidis. Čajs, ols ci kas cyts piec kotra īspiejom i vielmem. Sasatikšona ALA PAGRABS ap 20:30.

Lyugums leidz 4. februaram iz LgSC e-postu lgsc@lgsc.lv paziņuot par sovu īsarasšonu ci naīsarasšonu. Atguodynoju, ka leidz kūpsapuļcei juosamoksoj bīdra nauda par 2013. godu. Pretejā gadīnī vaļde var lemt par īskaiteišonu LgSC atbaļsteituojūs (kas ļaun pīsadaleit kūpsapuļcē, tok līdz bolsa tīseibys).

Ka iz kūpsapuļci dūsīs ar sovu personiskū mašynu, lyugums padūt ziņu, varbyut Tev varātu pīsavīnuot kaids nu bīdru.
Ka napīcīšamys nakts muojis Reigā nu pīktdīnis iz sastdīni ci nu sastdīnis iz svātdīni, dūd ziņu. Taipat aicynoju atsasaukt tūs, kas ir gotovi pi sevis uzjimt gostūs kaidu nu bīdrim.

Ka nazyni, kur atsarūn „Kaņieris”, nabādoj 😉 – kaids nu LgSC Reigys biroja aktīvistu tevi sagaideis. Informaceja par sasatikšonys vītu i laiku, kai ari sabīdriskuo transporta kusteibys grafikim byus vāluok. Pīmini, ka „Narvesenā” Tev juonūpierk 2 braucīni.

LgSC vaļdis vuordā,
Vineta Vilcāne
T. 26149207
vineta@lgsc.lv