“Dabasu Durovu” konkursa rezultati

Ir apkūpuotys konkursa īsyuteituos atbiļdis i varom paziņuot uzvarātuojus!

Taitod  pareizuos atbiļdis beja:

1. Kai sauc “Dabasu Durovu” pirmū muzykys albumu? – “Ļepetnīks”

2. Atmini, nu kurys dzīsmis ir itys fragments! – Oktobris

3. Kai sauc vīnu nu jaunuo albuma dzīsmem? – B. “Vacais mašinists”

4. Kaida saisteiba grupai ir ar dzejnīku Ojāru Vācieti? – “Dziesmiņa par izglābšanu”, kas īkļauta jaunajā albumā, ir ar Ojāra Vācieša vuordim.

Izlūzis rezultatā Dabasu Durovu jaunū muzykys albumu “Styklu vītā skaņa” sajam

Elgars Ludboržs i Dagnija Donāne!

Apsveicam!

Trešīs muzykys albums tīk pareizū atbilžu i veiksmeiguokuo teksta autorei – Ingai Kaļvai!

Te ari Ingys teksts:

Tamā naktī

Tamā naktī

Dabasūs nabeja mīra –

Cylvāki zvaigznis tramdeja –

Izdūmova nazkaidus svātkus

I geisā raketis raideja.

A zvaigznis nu leluo trūkšņa

Nūsabeida

I suoce zemī krist:

Suokumā pa vīnai, tod pa divejom,

A vāluok jau vīna piec ūtrys.

Cylvāki stāveja borūs

I raudzejās zvaigžņu leitā

I navarēja saprast,

Kuopēc itamā naktī

Zvaigznis kai aptrokušs kreit…

 

Par bolvys sajimšonu ar jiusim sasazynuosīs LgSC puorstuovs! Paļdis par pīsadaleišonūs ari tīm, kas īsyutieja atbiļdis, bet kurim pazaveica nadaudz mozuok!