LgSC vaļdis viests
Eisa informaceja par jaunim bīdrim i paradzātū kūpsapuļci.
Prīcojamīs, ka 2011. godā bīdreibys ryndys papildynuojuši vasali 10 jauni bīdri i 2012. gods īsuokts jau ar diveju jaunu bīdru uzjimšonu.
2011. goda beiguos, decembra mienesī, par bīdreibys “Latgolys Studentu centrs” bīdrim kliva:
Rēzeknē:
- Raivis Bukšs
- Sanita Šalkovska
- Mārtiņš Caune-Zalāns
Reigā:
- Kristīne Pokratniece
2012. goda suokuos tika papildynuots Daugpiļs bastions, uzjimtys:
- Eva Kasparenoka
- Zaiga Lāce
Zaiga tika apstiprynuota ari par LgSC Daugpiļs biroja koordinatori.
Sirsneigi sveicam i caram iz daudzim kūpeigim dorbmi i latgaliskū prīcu kasdīnā!
.
Jau itymā nedeļgolā – 21. janvarī LgSC bīdri sasatiks iz kasgadejū kūpsapuļci. Itymā godā sasatikšonuos vīta ir Rēzekne. Kūpsapuļcē paradzāts gon nūpītns dorbs pi atskaitem par padareitū i Jaunuo goda planim, gon rodūšs grupu dorbs i kūpeigys izklaidis.