Puorsoku konkursa rezultati

Apkūpojom atbiļdis i ziņojam albuma “Latgalīšu puosokys i puorsokys” konkursa rezultatus!

Lels paļdis par atsauceibu vysim, kas pīsadaleja, bet divi laimeigī, kam drupeit vaira pasaveica i kas sovā eipašumā īgiust bīdreibys “Latgolys Producentu grupa” duovynuotū disku ir:

Aleksandrs Machanovskis

Kristīne Pokratniece

Par bolvys sajimšonu ar jiusim sasazynuos LgSC puorstuovi!

Puorejim vielejam prīceigus svātkus i veiksmi (varbyut drupeit vaira) Jaunā godā!

Atbiļdis:

1. Kurs nu nūsauktajim Latgolā zinomajim kuļturys aktivistim nav pīsadalejs puorsoku īrunuošonā albumā “Latgalīšu puosokys i puorsokys”?

Pareizuo atbiļde: B, itymā reizē puorsoku īrunuošonā diskā napīsadaleja Ingars Gusāns, kas pazeistams ari kai Sovvaļnīks

2. Cik puorsokys īkļautys albumā?

Pareizuo atbiļde: C, albumā īkļauta 31 latgalīšu puorsoka

3. Puorsoku albuma muzykalū fona nūformiejumu taisejs i vairuokys puorsokys īrunuojs muzikis i aktiers Kristaps Rasims. Kurā Latvejis teatrī jis dorbojas?

Pareizuo atbiļde: A, Kristaps Rasims ci Kips niu ir Dailis teatra aktiers, kas na viņ pots spielej izruodēs, bet ari sacer tom muzyku

4. Kaidā nu puorsokom, kab pasasorguotu nu kača nogim, pelis izdūmuoja, ka:

Pareizuo atbiļde: C, pelis izdūmuoja, ka vysu lobuok pasasorguot nu kača nogim ir dasīnūt kačam pi astis zvaneņu

5. Kaidā popularā latvīšu kinā golvonū lūmu spēliejs vīns nu puorsoku īrunuotuojim Andris Rudzinskis?

Pareizuo atbiļde: B, Andris Rudzinskis spēliejs kinā “Cylvāka bārns” i tī beja pots slavanais Boņuks.

Puorsoku skaiteituoji: Kristaps Rasims, Guntis Rasims i Andris Slišāns Reigā, bufetē-skaiteitovā “Pie Humberta” 2010.goda oktobrī